Vawiin khan Mamit District-a Anti-Tobacco Squad Member te chuan World No Tobacco Day, May Ni 31 a lo thleng tur denchhenin COTPA Section 7 in a sawi anga Vaihlo leh a kaihhnawiha vaukhanna thu leh a lem chuang lote (Pictorial Health Warning) vaiin an thawk chhuak a. He Drive neihnaah hian Mamit khawpui chhunga Dawr 47 tlawhchhuah niin dan lo anga zuar man tur an awm lo a ni.

Mamit Anti-Tobacco Squad Member-te hian World No Tobbaco Day pualin Drive vawi 5 an nei tawh a. Heng Drive neih tawhah te hian Local Products, Vaihlo, Sahdah, Tuibur leh Foreign Cigarettes a vaukhanna thu leh a lem chuang lote bakah Gutkha Products te vai thin niin Foreign Cigarettes Packets 224 leh tlawn 21 man tawh a ni.

Mamit Anti-Tobacco Squad te’n Drive an neihnaah hian Dawr neitute leh zuartute hnenah COTPA Section 7 hrilhhriatna neih nghal zel niin, zuar tawh lo tura warning pek vek an ni bawk.