Vawiin hian New Serchhip huam chhunga sumdawngte bukna hmanruate chu Legal Metrology Department ten an endik sak. 

Pu Lalsangzuala, Inspector, Legal Metrology Serchhip chuan New Serchhipa sumdawng mi 12 te chu an bukna hmanrua endik sak tura a koh angin Legal Metrology Office ah endik sak an ni a, an bukna leh buk lungte uluk tak endik sak niin siam rem ngaite an siam rem sak a, heng an bukna hmanrua te hi a tha thawkhat a, fee pawh dan anga laksak an ni bawk a ni. 

Hemi rual hian Serchhipa Tui meter zuartute pawh tui meter an zawrh laite endik sak tura koh niin, Tui meter thalo engemaw zat an hmu a, hengte hi mipui hnena hralh chhuak tlak loh anih avangin an lakna hmunpui lama thawn let leh tura hriattir nghal an ni bawk a ni. 

Pu Lalsangzuala chuan Standard of Weights and Measures (Enforcement) Act, 1985, Section-24 Chapter-VII in a phut angin sumdawng, bukna leh tehkhawng hmanrua hmangtute reng reng chuan kum tinin an hmanruate chu endika chhinchhiah tir tur a ni a, endiknaah hian fee pawh dan anga pek nghal tur niin, endik loh hmanruate chu dan anga man theih an ni a, lung in tan tir thlenga hrem theih an ni, a ti a. Sumdawng an kohte thuawih tak an hmanrua endik tir thinte chungah lawmthu a sawi a, thuawih ve lote chungah erawh dan anga hremna pek an ni ang a ti.