Vawiin chawhma khan Zawlbuk, Thakthingah Commerce & Industries Department chuan  Aizawl South-II leh Aizawl West-III  Assembly Constituency huamchhunga NLUP 3^rd Phase beneficiary 224 te hnenah tanpuina an dawn tur 3^rd and final installment an sem a, he hunah hian Lt. Col.(Rtd) Z.S. Zuala, Parliamentary Secretary (Home, RD etc), Aizawl South- II bialtu MLA nibawk  chu khuallian a ni.

Khuallian  Lt. Col.(Rtd) Z.S. Zuala chuan Aizawl South - II leh Aizawl West –III  Constituency huam chhunga Commerce & Industries department hnuaia NLUP  3^rd and final Installment  dawngtu te chu a lawmpui thu a sawi a. NLUP chu sawrkar policy pawimawh tak,  mi hnuaihnungberte thlengpha leh rahbi tleu tawhte chhawm nunna a ni , a ti a. Hemi Policy hnuaiah hian mi thahnem takin tanpuina an dawn tawh thu sawiin tuna dawngtute tan pawh tanpuina lukhawng nei anih ngei a beisei thu a sawi a. Parliamentary Secretary chuan NLUP tanpuina dawngtute chu anih dan tur dik taka tanpuina an dawnte hmang thiam turin a chah nghal a ni.

NLUP semna inkhawm hi Pi R. Lalrodingi, General Manager, DIC, Aizawl in a kaihruai a. Pi Lalhlupuii Khiangte, IPO in lawmthu sawina a nei bawk a ni.

Vawiin NLUP tanpuina sem chhuah zat hi a hnuaia table ah hian tarlan a ni.

AIZAWL SOUTH-II ASSEMBLY CONSTITUENCY:

Vawiin  tanpuina semchhuahte hi Trade chi hrang hrang 6 atanga beneficiary thlanchhuahte an ni a, 3^rd and final installment pekchhuah an nih dan hetiang hi a ni :

1.     Petty Trade-I thlangtu mi 122 hnenah Rs 30,000/- theuhin sem a ni.

2.     Handloom thlangtu mi 2 hnenah Rs 33,000/- theuhin sem a ni.

3.     Blacksmithy thlangtu mi 3  hnenah Rs 32,000/- theuhin sem a ni.

4.     Bakery thlangtu mi 1 hnenah Rs 36,000/- in sem a ni.

5.     Broom- I thlangtu mi 3 hnenah Rs 40,000/- theuhin sem a ni.

6.     Tinsmithy thlangtu mi 1 hnenah Rs 32,500/- in sem a ni.

AIZAWL  WEST-III ASSEMBLY CONSTITUENCY

Vawiin tanpuina semchhuah te hi Trade chi hrang hrang 8 atanga beneficiary thlanchhuahte an ni a, 3^rd and final installment pekchhuah an nih dan hetiang hi a ni :

1.     Petty Trade-I thlangtu mi 72 hnenah Rs 30,000/- theuhin sem a ni.

2.     Handloom thlangtu mi 8 hnenah Rs 33,000/- theuhin sem a ni.

3.     Blacksmithy thlangtu mi 2 hnenah Rs 32,000/- theuhin sem a ni.

4.      Broom-I thlangtu mi 1 hnenah Rs 40,000/- in sem a ni

5.     Chow-making thlangtu mi 2 hnenah Rs 31,000/- theuhin sem a ni.

6.     Tinsmithy thlangtu mi 1 hnenah Rs 32,500/- in sem a ni.

7.     Steel Fabrication thlangtu hnenah mi 2 hnenah Rs 33,000/- theuhin sem a ni.

8.     Petty Trade-IV thlangtu mi 4 hnenah Rs 35,000/- theuhin sem a ni.

Commerce & Industries Department hnuaiah hian NLUP Trade chi hrang hrang 25 hmangin hmalak a ni a, tun dinhmunah 1^stPhase leh 2^nd Phase hi tanpuina pek zawh vek tawh a ni a, 3^rdPhase hi final installment sem mek niin 4^th Phase erawh 1^stinstallment chiah sem a la ni.