Vawiin khan SIRD&PR buatsaihin training pahnih SIRD&PR Conference Hall – I & II, Durtlang Leitan-ah neih a ni a. Training hian 26th – 28th July thleng ve ve a awh ang. 

Training hawnna hi SIRD&PR Auditorium ah neih a ni a. Pu V. Lalengmawia, Project Director, DRDA Aizawl chu Khuallian (Chief Guest) niin, ani hian training-naa rawn kalte chu fuihna thuchah alo hrilh hlawm a, VLAA leh WDT-te chu R.D scheme hnuaia an hnathawhte viltu leh a hmun awmchilhtute ber an nih avangin tun training-naa an zirchhuahte chu a taka practice thei turin inzir thiam hlawm theuh turin a fuih hlawm a. Tin, IWMP leh MGNREGS te hi scheme inhnaih tak an ni a, VLAA leh WDT te chu an hnathawh inhriatpui tawn a, thawkdun thin turin a fuih hlawm nghal a ni. 

Training pakhat zawk Aizawl District a MGNREGS hnuaia VLAA te tana buatsaih ‘Training Course for Village Level Administrative Assistant (Gram Rozgar Shayak)’ hi Pu Khuangthansanga Pakhuangte, Course Director/Sr. Core Faculty (P.A) in a kaihruai a. Training ah hian role of VLAAs, new permissible work of MGNREGS, Agriculture & Horticulture related works, Soil Conservation Techniques, Gram Sabjha leh Social Audit te an zir dawn a, an vaiin VLAA 14 an rawn tel thei a ni. 

Training pakhat leh Aizawl District a IWMP hnuaia WDT te tana buatsaih ‘Training on Water Conservation Techniques & Soil Fertility Improvement for Watershed Development Team and Watershed Committee’ hi  Dr. M.S. Dawngliani, Course Director/Sr. Core Faculty (Agri) in a kaihhruaia. Training-naah hian leilung leh tuihna humhalh dan an zirho dawn a, Training ah hian WDT 29 an rawn tel thei a ni.