Higher and Technical Education Minister Pu R.Romawia chuan vawiin khan Ramhlun North Community Hall-ah Industries Department hnuaia NLUP 3rd Phase beneficiary te hnenah NLUP 2nd Installment a sem.

NLUP beneficiary te hmaah thuchah sawiin Pu R.Romawia chuan rambuaiin kum 20 lai Mizoram min delh avangin mipuite tana hmasawnna hna a thawh mumal theih loh a, mipuite tan dinhmun siamrem pawh a harsa in kan rilru pawh thui tak a nghawng a, remna leh muanna a awm hnu ah hmasawnna kawng hrang hrangin kan hmu tawh na a tun aia nasa lehzual hian hma kan la sawn thei ani tih erawh kan hriat a tul a, sawrkar pawhin theihtawp chhuah thin mahse mipuiten kan rilru kan siam a pawimawh tel a, abik takin zonun ze mawi kan neih let leh a taimakna nen theihtawp kan chhuah a tul a ni a ti a, NLUP chu land based tura ruahman ni mahse khawpuiah mihring kan tam avangin tanpui ngai zawng zawng tanpui dawn chuan ramin a daih seng lova land based a kalpui a har a chuvang chuan Industries department kaltlangin trade chi hrang hrang mipuite tan chhawpchhuah ani ta a ni a ti a, thalaite chu hna thawh hreh neilo turin a chah bawk a ni.

Vawiin a NLUP tanpuina dawngtute hi Aizawl North I leh II Constituency, Aizawl East I leh II Constituency a NLUP beneficiary 659 an ni a, Aizawl North-I atangin beneficiary 139 (Petty Trade-I 109, Petty Trade-IV 2, Carpentry 3, Tin Smithy 1, Black Smithy 1, Bakery 1, Small & Medium Enterprises 21, Steel Fabrication 1) Aizawl North-II atangin beneficiary 251 (Petty Trade-I 174, Petty Trade-IV 4, Tin Smithy 1, Black Smithy 3, Bakery 3, Small & Medium Enterprises 59, Steel Fabrication 4, Chow Making 2, Broom Industry 1) Aizawl East-I atangin beneficiary 94 (Petty Trade-I 76, Tin Smithy 1, Black Smithy 2, Bakery 1, Small & Medium Enterprises 12, Chow Making 2) Aizawl East-II atangin beneficiary 175 (Petty Trade-I 93, Petty Trade-IV 3, Carpentry 1, Tin Smithy 1, Small & Medium Enterprises 76, Steel Fabrication 1) an ni a, an ni bakah hian Tawi Biala NLUP beneficiary 16 hnenah puanthuina khawl leh tangkafai pek an ni bawk. Vawiina tanpuina sem hi beneficiary te trade thlan azirin hmanrua leh khawl bakah tangkafai a sem a ni a, beneficiary te hian Actual Payee Receipt leh tanpuina sum dik taka hmang tura intiamkamna an ziak nghal a, puanthuina khawl semchhuah hi Janome Mystyle anih avangin beneficiary te hnenah a hman dan zirtirna pek nghal an ni bawk.

Vawiin NLUP sem inkhawm hi Pu C.Lalbiakthanga, Addl. Director, Commerce & Industries Department in a kaihruai a, Pi R. Lalrodingi, Jt. Director, Commerce & Industries Department in technical report a pe a, Pu CT Rosiama, General Manager, District Industries Centre, Aizawl in lawmthu sawiin hnu a khar a ni.