Manipur tlang mite, Zohnahthlak unau te huam vekin Bill thalo tak ni 31 Aug, 2015 –a Manipur Sorkar in a pass duhlohna lantir avang a nunna chan ta mi 9 te ruang tun thlenga la phum loh chu Pu Joseph Lalhimpuia, Parliamentary Secretary, School Education, Commerce & Industries, Geology & Mineral Resources Department chuan Ni 24 Sept, 2016 (Inrinni) khan Churachanpur Hospital morgue house ah a tlawh.

Pu Joseph Lalhimpuia chuan he Bill duhloh lantir na avanga thite hi Mizo mipuiin pawi kan tiin kan sun a, khawhar chhungte kan tawrhpui takzet a ni tih sawiin Pathian thlamuanna leh awmpuina an dilpui thin thu a hrilh bawk. Mizo ten kan in tuarpuina leh lainatna lantir nana kan tih thin angin Mizoram Sorkar aiawhin heng mitthi 9 te hi puan a tuam in an chhungte hnenah a hlan a ni.

Manipur State Assembly in Ni 31, August, 2015 a Bill pathum a pass ah khan, kum 1951 a Manipur Citizen record a awm lo te Manipur mi nihna pek loh tur a ni a, hei hi Manipur a tlang mi zawng zawng ten an duhlo hle a ni. Bill duhloh lantir na avanga nunna chan mi 9 te ruang hi Joint Action Committee Against Anti-Tribal Bill leh All Manipur Tribal Women ten phum phal lovin tun thleng hian Churachanpur Hospital Morgue House ah la dah an ni. Pu Joseph Lalhimpuia hi Joint Action Committee leh All Manipur Tribal Women hruaituten lo dawngsawngin MZP General Headquarters, MZP Manipur Headquarters leh MZP Lunglei Headquarters hruaitu ten an tawiawm a ni.