January ni 30, 2017 khan New Market main building-a seat/stall/godown hmanga sumdawng te chu an seat/stall/godown te chhuahsan tura hriattir an ni tawh a. Mahse tun thlengin hei hi zawm lovin an la chhuahsan lo tih hriat a ni a. He building (new market main building) hi Aizawl District Disaster Management Authority ten 8.6.2015-ah daih tawh khan an enfiah a, a building hi a him tawh lo tih hmuhchhuah a ni lo ni tawh a. Chuvangin, he building chhunga inzuar zawng zawng (seat/stall/godown/hawker)-te chu Directorate of Commerce and Industries chuan June ni 21, 2019 ah thuchhuah siamin chhuak turin a hriattir a. He thupek tihchhuah atanga thlakhat ral hma ngeia building hi chhuahsan ngei turin a ngen a ni. Hun tiam chhunga an chhuahsan loh chuan vanduaina a thleng palh a nih pawhin Commerce & Industries Department chuan mawh a phur lovang.