Vawiin khan Mizoram Commerce & Industries Minister Dr.R.Lalthangliana chu Indian Chamber of Commerce Joint Director Pi Paromita Bhowmick Chaki chuan rawn hmuin Mizoram-ah sumdawnna lian zawkte rawn inpeipunna (invest) turin hmalak an duh thu a hrilh.

Commerce & Industries Minister Dr.R.Lalthangliana chuan Indian Chamber of Commerce-in Mizoramah hmalakna rawn neih an chak chuan a tilawm hle thu a hrilh a. Ni 2 awh tur ‘Business Summit’ rawn huaihawt an duh chu, fur zawhah kum tawp lam November thla velah hun remchang zawn a that zawh thu a hrilh bawk. ICC  lam chuan handloom leh handicraft te, food processing, tourism, electronics leh agro-based indutsry lamah Mizoram-ah hmalak an duh thu chu a lawmawm a tih thu a hrilh bawk a ni.