1481/2022-2023

Kolasib dated 5th August 2022: Vawiin khan I&PR Conference Hall, Kolasibah Income Tax, Goods & Service Tax leh Tax pawimawh dang chungchanga hriattur pawimawh inzirtirna hun, Commissioner of Tax (TDS), North Eastern Region, Guwahati leh Treasury Office, Kolasibte tangkawpin an buatsaih a. Pu John LT Sanga, Deputy Commissioner chuan Training hawnna hi hmanpuiin Kolasib district chhung Office hrang hranga Drawing & Disbursing Officer-te an tel a ni.

Pu John LT Sanga, Deputy Commissioner chuan ram changkang apiangah a ram leilung faten chhiah pek an ngaih pawihmawh thin thu sawiin ram hmasawnna tur te, a ralmuannna tur leh dan lekkawhna kawngahte tangkai tak a hman a nih thin thu a sawi. Chhiah pek chu neitu nihna thinglung min puttirtu a nih thu leh chhiah pek ngaih pawimawh chungchangah tan lak a hun thu sawiin chhiah kan pekte chu mahni thatna tur atan bawk a hman thin a nih thu a sawi.

Vawiin Training-naah hian Pu Panchajanya Das, ITO (TDS) chuan Tax Deducted at Source/ Tax Collected at Source chungchanga hriattur pawimawh hrang hrang leh Drawing & Disbursing Officer mawhphurnate a tarlang a. Pu Rajat Kumar Shee, TDS Expert-in Online-a tih dan entirna hun te neiin zawhna leh chhanna hun hawn a ni a. Pu Kevin Lalmalsawma, Treasury Officer, Kolasib chuan kalkhawmte lawmna thu a sawi bawk a ni.