Vawiin chawhma dar 11 : 00 khan Saiha Tlangkawn-II Community Centre chu Khuallian Pu S.Hiato Minister, P.H.E. etc chuan a hawng.

Urban Development and Proverty Aliviation Department hnuaia Integrated Housing and Slum Development Programme hnuaia cheng nuai 34 senga sak Community Centre hawnna inkhawm hi Pu B.Lalchhawntluanga, SDO(S) & Project Officer, SJSRY Saiha chuan a kaihruaia, hawnna hla M.T.P. Branch, Saihatlangkawn ten an sak hnu ah Upa N.Riako chuan hunserh a hmanga, Pu C.Lalmalsawma, A.E, UD&PA chuan Technical Report pe in he Community Centre hian Sqft 1195 a huam thu leh a sak nan hian cheng nuai 34 sen anih thu sawiin a chhungah hian Plastic Chairs dah vek a nih dawn thu leh Thalaite infiamna tur Table Tenis Board dah anih tur thu a sawi bawk. He Centre hawnna hunah hian a enkawl zui zelna-a mawhphur turin Community Centre Management Committee kutah hlan nghal a ni.

He Community Centre hawnna ah hian Khuallian Pu S.Hiato, Minister, PHE etc. chuan thu sawiin Politics hian thil awmlo a awmtir thei a ni tiin UD&PA Department hian Saiha khawpui chhungah hian nasa takin hmun hrang hrang ah hna athawk a ni a ti a, thalaite hmakhua ngaiin kan sawrkar chuan infiamna tur hmun hrang hrangah a buatsaih chhoh mek thu a sawi bawk, Meisatla Khelmual ah pawh Grass phah anih ngei tur thu a sawi a, Sawrkar Flagship Programme NLUP chungchang sawiin Saiha Tlangkawn chu NLUP dawng tam ber pawl a ni, a ti a, ahlawhtlinna chu a dawngtute mawh liau liau anih thu a sawi bawk a ni. Health & Family Welfare Department hnuaiah Saiha Civil Hospital sak na tur pawh Sanction peih fel sa vek anih thu sawiin naktuk hian UNION DoNER MINISTER in lungphum aphum dawn a ni tiin Minister ten Lungphum an phum reng reng in pawisa sanction awmsa lovin Lung an phum ngailo a ni, a ti bawk. Community Centre hawn thar tak chu tangkai tak a hmang turin veng mipui te chu a chah a ni.

He Centre hawnna a Khualzahawm Pu RT Zachono CEM, MADC pawhin thu sawiin khawvel piantirh atangin rorelna chihnih a awm thu sawiin Thlarau lam leh Politics lam anih thu a sawi a, ram rorelna tha chuan hmasawnna nasa tak min thlen ani ati a, Politics hian thlarau nun tihloh thil dang zawng zawng chu a khawih vek ani ati bawk. Programme karlakah zaithiam zai te ngaihthlak ani a, chairman in lawmthu sawina a neih hnu ah he programme hi tih tawp a ni.