Vawiin khan District hrang hranga inthlan kaihhnawih expenditure monitoring officer, Information & Public Relations Officer, Treasury Officer, Excise leh Taxation Officer te tan I&PR Auditorium-ah training buatsaih niin Jt. CEO H.Lalengmawia’n a kaihruai.

Jt. CEO chuan Mizoram Legislative Assembly inthlan inbuatsaihna kal zelah kumin hian tum danga la hman ngailoh thil thar tam tak kalpui a nih dawn avangin official-te tan training uluk taka buatsaih chhoh mek zel a ni, a ti. Inthlanah candidate-te’n a uchuaka sum an hman lohna turin Election Commission of India chuan kum dang zawng aiin inthlan senso vil hna (Election Expenditure Monitoring) a ngai pawimawh a, team hrang hrang a din zinga mawhphurhna pawimawh chelh tur an nih avangin official ten training an ngaih pawimawh lehzual a tul hle a ni, a ti.

Training-ah hian State Level Master Trainers pathum(3) - Jitender Yadav, H Lalhmingthanga leh James Lalnunmawia bak Asst. CEO Pu H. Dolianbuaia ten Media Certification and Monitoring Committee (MCMC); Video Surveillance Team (VST); Video Viewing Team (VVT); Flying Squad (FS); Static Surveillance Team (SST); Accounting Team (AT) te mawhphurhna leh thil pawimawh dang an zirtir a ni.