4054/2023-2024

LUNGLEI; the 6th March,2024: National Highway 54 kawngpui sial hna thawhin an chenna In a sut chhiat dawn avanga zangnadawmna la tawh zingah, a chenna in thiahna tur thupek “Eviction Notice” pek tawh, vawiin thlenga a chenna In la thiat duh lo leh insenghawi duh lo Tawipui ‘S’ khuaa Pu S. Lalnghinga In chu Competent Authority for Land Acquisition (CALA), Lunglei district aiawh Pu K.Lalhlimpuia, Assistant Sattlement Officer leh Executive Magistrate nibawk hovin thiah sak a ni.

NH54 kawngpui sial mekin an in a sutchhiat dawn avanga zangnadawmna an lo pek tawh, mahse In la thiat loh leh insaseng duh loh te hi vawi tam, thuneitu ten an in te thiata, insaseng turin a lo hriattir tawh a. Mahse vawiin ni thleng pawh a thupek zawm duh loh an la awm a. Vawin atang chuan chutiang mi te lakah chuan thuneitu ten action an la tan ta a ni. Naktip-ah hian THUALTHU leh THAIZAWL khuaa thupek zawm duh loh te In thiahsak leh an ni ang.

Pu K.Lalhlimpuia hi Pu C. Lalhmingliana, Consultant, Pu Bernard Lalhmunsanga, Surveyor bakah Police ten an tawiawm a ni.