4055/2023-2024

LUNGLEI; the 6th March, 2024: Vawiin chawhnu dar 12:30 khan Training Arts & Culture Auditorium-ah State Institute of Rural Development & Panchayati Raj, Mizoram buatsaihin, Lunglei Dist chhunga Thingtlang khaw 12 Tuihna humhalh kawnga hmalakna kalpui mekte pualin Localization Sustainable Development Goals (water Sufficient Village) chungchangah Training neih a ni.

Training-ah hian khaw 12 atangin khawtlang hruaitu mi 36 an tel a, Pu K.Vanlaldika Head Faculty, DPRC Lawngtlai leh resource person ni bawk chuan tuihna leh leilung humhalh kawnga hmalak dan tur kawng hrang hrangte bakah SDGs nihphung leh a dinhmun te hrilhfiahin, ram leilung leh tuihna mai bakah leilung hausakna chu a hmang thiam leh a enkawl thiam apiang te chu an changkangin; leilung hausakna pawh an chhawr tangkai thin, a ti. Chutiang hre reng chunga mahni khuaah theuh tuihna leh ram leilung hausakna an neih ang ang te enkawl thiam a, khawtlang hmasawn nana hmang tangkai thiam turin khawtlang hruaitu kalkhawmte chu a chah hlawm a ni. Vawiina training an buatsaih hi India ramin Sustainable Development Goals kum 2030 a tihhlawhtlin a tumna kawngah hmalakna pakhat a nih thu Pu K. Vanlaldika hian a sawi bawk.

Vawiin training Programme -ah hian Chief Medical Office, Lungleia staff te chuan khawtlang hruaitu kalkhawm te chu  Non-Communicable Diseases(NCD) chungchangah zirtirna pein, khawtlangin hriselna kawnga hma an sawn theihna tura khawtlang hruaitute mawhphurhna leh an hmalakna tur kawng hrang hrang te hrilhhriat  pahin, a thlawna in entirna an buatsaih sak nghal bawk a ni.