2673/2022-2023
Dated Aizawl the 15th November 2022: RBSK, NHM, Mizoram hmalaknain Congenital Heart Disease Screening Camp a tum 5-na atan Aizawl West DEIC leh Kulikawn YMA Hall-ah neih a ni.

Khuallian Dr. T. Lalhmangaihi, Principal Director, Health and Family Welfare Department chuan Screening Camp hi hawngin, Hripui vanga Screening Camp kum 2 chhung ngawt mai buatsaih a nih loh hnuin vawiina RBSK leh Shija Hospitals and Research Institute, Imphal ten Screening Camp an buatsaih thei chu lawmawm a tih thu sawiin, he programme kaltlang hian naupang tam tak ten nun nuam leh hrisel zawk an neih phah ngei theih nan duhsakna a hlan bawk.

Naupang lung enna atana khawl pawimawh tak, Portable Echo Machine phal taka hawh tir thin tu Ebenezer Medical Centre, Aizawl chungah RBSK chuan lawmthu a sawi a ni.

He screening Camp hi nau piang hlim atanga kum 18 inkar lung lam harsatna nei te tana buatsaih niin, he thu buatsaihlai hian veng leh khaw hrang hrang atang naupang 250 chuang vel inentir turin an lo kal a ni. Tun dinhmunah RBSK leh Shija Hospitals and Research Institute, Imphal Manipur hian thawhhona thuthlung MoU neiin, he inremna bawhzui hian, vawiin hian RBSK leh Shija Hospitals and Research Institute te chuan Screening Camp an buatsaih ta a ni. He Screening Camp a naupang lung zai ngai te chu, Shija Hospitals and Research Institute ah hian zai a ni anga, an inenkawlna senso Hospital Bill RBSK, NHM, Mizoram chuan a tumsak dawn a ni. RBSK puihnain vawiin thleng hian naupang 70 chuang lung zai ngaite Hospital Bill RBSK chuan a lo tumsak tawh bawk a ni.