Kumin April thla a SSC kaltlanga Central Police Forces ah te Constable leh Assam Rifles-a Rifleman lakna tura atana Written neih chu, June thla tawp lam khan a result a chhuak a. Mizoram atanga Written Exam paltlang hi mipa 615 leh hmeichhia 75 an awm a. Written a tling te hian July leh August thla ah Medical Examination an nei dawn.

Vawiin khan Medical Examination kalphung leh a kaihhawih thil hrang hrang te puanzarna ‘Media Briefing’ chu thuthar thehdarh tute pualin neih a ni a. Media Briefing ah hian Brig. S P Rawat Commander 23 Sector Assam Rifles leh 26 Assam Rifles-a officer te chuan hemi chungchangah ah hian 26 AR chuan hovin an nei a. He hunah hi 26 Assam Rifles Hall-ah an nei a.

Assam Rifles ten an tarlan dan chuan Medical Examination hi AR Cinema Hall ah July ni 16 atanga neih tan a ni dawn a. Mipa written paltlang te tan hian Medical Examination hi July ni 16 atangin August ni 14 thleng neih a ni anga, hmeichhia te tan August ni 3 atangin an zawhfel thleng Medical examination hi neih a ni ang. Ruahman lawk ang chuan nitin(Chawlh Ni leh holiday dang tiam lovin) mi 30 vel tan zing dar 6 atangin chawhnu dar 1 thleng Medical Examination hi doctor 3 telna Medical Board in an nei ang a. Mipa doctor in mipa leh hmeichhe doctor in hmeichhia te an en(medical) ang. Medical Examination hmachhawn tur te chuan original document neih ang ang leh a attested copy 4(pali) theuh, passport size thlalak 4(pali) leh SSC kohna lehkha ken tur a ni ang. Medical examination ah hian X-ray Chest – PA View, Blood – Hb %, Urine - Routine Examination leh Hmeichhia te tan Urine (HCG) neih a ang.

Medical Examination a tla te hian ni 15 chhungin HQ DGAR Recruitment Branch dilna thawn in an appeal thei ang.