Mission for Christ hnuaia Missionary a inpete puala Graduation Day, nimina Mission for Christ Centre, Durtlanga neihah Pu Lal Thanzara, Parliamentary Secretary chu khuallian a ni.

Pu Lal Thanzara chuan he rawngbawlnaa tel ve tura sawm ani chu lawmawm a tih thu a sawi a. Mizo faten Chanchin Tha hril tura inpe kan awm chho zel hi a lawmawm hle a ni a ti a.He graduation day hi mi dangte tan chonaah lain, missionary kalchhuak turte hi thalai tam zawkin an la zui chhoh zel ka beisei a ni a ti.

Missionary atana inpe, training zo te hi an vaiin mi 32 an ni a. Mission for Christ hian missionary 3000 tirhchhuah a tumnaah mi 1000 chuang training alo pe tawh a, mi 500 velin missionary hna an hnuaiah hian an thawk tawh thin bawk a ni.Mission for Christ ah hian kohhran pawl bik a awm lova, Chanchin Tha hril duh apiang tan thawhpui theih an ni.

Graduation Day inkhawm hi Rev.Timothy T.Nunthanga’n a kaihruai a, Mission for Christ Founder & President Rev.Dr. Lalchungnunga’n missionary tharte Pathian hnena hlanna leh tirhchhuahna (commission) hun a nei bawk a ni.