2806/2022-2023
Aizawl 25th November 2022: Secretary, General Administration Department chuan November 23, 2022 khan thuchhuah siamin Mizoram Sawrkar office, school, college, autonomous bodies, PSU leh a dangte chu Constitution Day pualin November 28, 2022 Thawhtanni chawhma dar 11 ah Preamble of Constitution chhiar rual tur a ni. Constitution Day hi November 26 Inrinni ah a tlak avangin Thawhtanni ah he hun hi hmang tura ruahmanna siam a ni. Mizoram Secretariat officer leh staff te chuan Chief Secretary kaihhruaiin Secretariat Building kawtah he hun hi an hmang ang.

Ministry of Parliamentary Affaris chuan a duh apiang tel theihna leh certificate dawn theihna tur ruahmanna a siam bawk a. Online-in Preamble chu Official language 22 a chhiar rual tur a ni a. Hei hi readpreamble.nic.in portal-ah tel theih a ni. India-the mother of democracy tih online quiz a tel duh tan constitutionquiz.nic.in portal ah luh tur a ni.