No.7878/2020-2021

Lunglei the 22^nd, March’2021 : Vawiin chawhnu khan Lunglei Town Sanitation Task Force under Urban Development & Poverty Alleviation Department buarsaihin Lunglei Town Sanitation Task Force-in a rel tawh angin April ni 1, 2021 atangin Lunglei khawpui chhungah bawlhlawh thliarhran tawh tur ani a, hemi chungchang zirhona Consultation Workshop on Waste Segregation In Lunglei Town chu Convention Centre Conference Hall-ah neih a ni. Pu Kulothungan A, IAS, Deputy Commissioner, Lunglei chuan khuallian niin a hmanpui. He Workshop-ah hian Lunglei Town Sanitation Task Force member, VC, YMA, MUP, MHIP leh Clean Lunglei te an tel a ni.

He hun hi Pu Andrew Lalhruaia, DUDO, UD&PA Department, Lunglei-in kaihruaiin Pu Kulothungan A chuan Lunglei District-in Mizoram khawpui fai ber leh District fai ber lawmman pakhatna kan dawn hi Lunglei District mipuite faina lama hmalakna leh tanrualna vang a ni a ti a. Hetiang dinhmunah Lunglei a ding thei hi lawmawm a ti hle a, faina leh thianghlimnaa hmasawn tur chuan bawlhawh tliarhran hi a pawimawh ber a ni. Lunglei khawpui  pawhin fainaah hma a sawn a, bawlhlawh paihah erawh hma kan la sawn lo hle a, Lunglei khawpuiin a bul tan nan  bawlhlawh  tawih thei leh tawih thei lo thliar  danah bul tan a ni dawn a, chhungkaw tin ten lo zawm a hma la theuh turin a chah a ni. Duhna naah bawlhlawh paih (Dumping) leh halral te hi nuai bo a , awmze neia sawngbawl  tura ruahman mek a ni. Bawlhlawh thliar dan zirhona leh inhrilhhriatna hi mahni veng chhungah a tam thei ang bera mipui te hnena zirtirna pe turin kalkhawm te a chah a ni.

Pu K. Laltanpuia, Civil Engineer, UD&PA-in Waste Segregation chungchang leh Pu Eddie Zonunkima,SDS, UD&PA-in Swachh Survekshan chungchang zirtirna an pe a. Zawhna leh chhanna hun hman a ni bawk.

Lunglei Khawpui chhungah VC 24 awmin UD&PA Department-in VC 9-a bawlhlawh Department motor-in a khawn a, VC 15-in anmahni motor hmangin bawlhlawh an paih thin a ni.