Vawiin khan Consultative Committee of Environment & Forest Department chu Pu H. Rohluna, Environment & Forest Minister hovin a office chamber ah an thukhawm.

He meeting ah hian forest royalty rate tuna hman mek chu kum 1994 ami daih tawh a nih thu leh thing bikah chuan 1998 ah ennawn a nih thu te, ennawn tura Expert Committee sawrkarin din in rate a lo siam tawh a, Cabinet Meeting leh Consultative Committee in a lo ngaihtuah a siamthat leh tura kum 2006 a alo dah tawh leh E &F Department in ngun taka a ngaihtuah hnua rawtna te ennawn a ni.

Forest area chhunga lung leh balu chungchang chu E & F Department in enkawl sela, non forest area ami chu Geology & Mineral Resources Department in enkawl sela, chumi atan chuan MMMCA 2000 hi a tul ang a amend nise tin, allocation of Business pawh hi a tul anga amend ni rawh se tiin meeting in a rel a. Cabinet Memorandum siama Cabinet pawmpui na lak ran nise an ti bawk .

Consultative Committee ah hian Pu Lalduhoma, MLA ; Pu Hmingdailova Khiangte, MLA ; Lt. Col. Z.S. Zuala, MLA ; Pu K. Lalrinthanga, MLA te hi member niin vawiin meeting ah hian an tel vek a ni. Anni bakah hian Dr. S.S. Garbyal, Principal Secretary, E & F department ; Pu P. Singthanga, Secretary Parliamentary Affairs Department ; Pu Pu Rosiama Vanchong, Addl. PCCF te an tel bawk.