Vawiin chawhnu dar 12:00 khan Pu S.Laldingliana Parliamentary Secretary chuan Mizoram Polytechnic, Hrangchalkawn, Lunglei a awm chu tlawh in zirlai te leh zirtirtu te harsatna a en dik.

Mizoram Polytechnic ah hian Diploma course Engineering branch 4, Civil, Computer Science, Mechanical leh Electrical ah zirna kalpui mek ani a. Polytechnic hian kum 31 hmel hmu tawh in zirtirtu nghet 10 chiah an awma. Department thenkhat ah phei chuan HOD pawh Contract basis a thawk an nih thu zirlaiten an sawi a. Khawl tam tak awm te chu khawl rawndah tu ten an commissioned loh leh zirtirna pekna atan a nung theilo leh hman tlakloh anih thu thawktu ten an sawi bawk. Zirlai te hian an zirtirtu leh office staff thenkhat chu Aizawl ah attached an nih avangin office hna leh zirtirna hna ah harsatna tam tak an tawk tih an sawi a. Zirlai hruaitu te hian an harsatna hrang hrang te ziakin Parliamentary Secretary hnenah an theh lut a.

Pu S.Laldingliana Parliamentary Secretary chuan Mizoram a Technical zirna hmun upa ber chu tih changtlun leh thawm that a pawimawh thu sawiin an harsatna te pawh sawrkar in a theih anga hma a lak sak mek thu a sawi a. Sawrkar chu nawrh leh vau hmang a nawrna chi reng reng a dawr a sawt loh tur thu a sawi a. Harsatna leh mamawh te chu sawrkar hnen ah awm ze nei a thlen a finthlak ber a ni a ti.