Tunhnai a Minister te hna chanpual siksawi a nih hnu a Taxation Department changtu Minister Pu Zodintluanga chuan a pisa-ah vawiin khan Taxation Department hotulu te kawm in, Taxation Department in tun aia chawk zawk leh thawhhona tha zawk neia mipui tana hnathawh dan tur an sawiho a. Meeting ah hian Pu Vanlalnghaka Secretary, Taxation Department, Pu Lalthangliana Varte Commissioner of Taxation leh Taxation Department-a Joint Commissioner, Deputy Commissioner te leh Assistant Commissioner te an tel a ni.

Pu Zodintluanga chuan thawhhona tha neih a pawimawh thusawiin hna a kal chak zawk theih nan officer te chu Department hna ah engtiklai pawhin amah chu kal chilh zel turin a sawm a. Meeting ah hian Entertainment Tax tuna hman mek hi zau taka ennawn nise tiin hemi chungchangah dan mumal tak siam anih theih nan hmalak nise tih rel a ni a. Contractor te tan contract hna hrang hrangah VAT leh Work Contract Tax lak dan chungchang an hriatthiam theih nan huam zau takin inzirtirna leh inhrilhfiahna hun Taxation Department in buatsaih se tiin an rel bawk a. Meeting-ah hian Sumdawng ten PAN Card an neih vek theih nan hmalak nise tih rel a ni bawk a ni.