Vawiin khan ni hnih awh tur Workshop on Emergency Health Preparedness and Risk Management for Government & Health Sector Partners Aijal Club ah hawnna hun hman a ni a, he workshop hi Disaster Management & Rehabilation Department leh Sphere India te tangkawp in an buatsaih a ni.
He workshop ah hian District tina District Administration, Health Department, Police Department, NDRF leh private Hospital hrang hrang leh NGO atang ten an kal khawm a ni.
Workshop in a tum ber chu chhiatrupna engpawh lo thleng se, a hmachhawn dan leh inchhawmdawlna kawnga doctor leh damdawi lam thiamte buatsaih a ni a. Hemi chungchangah hian Hospital tinte leh a ram pum huapa Emergency Health Preparedness Plan siam dan turte mithiamte inkaihhruaina in inhrilhhriat a ni dawn a ni.
