Vawiin khan ni hnih awh tur hi SCERT leh RCI (Rehabilitation Council of India) tangkawpin a buatsaih ‘CRE (Continuing Rehabilitation Education) Programme on Rights of Persons with Disabilities Act, 2016‘ chu Dr. Kamlesh Kumar Pandey, Chief Commissioner for Persons with Disability (CCPD) in SCERT Auditorium-ah a hawng.

RCI hi rualbanlote chanvo humhalh tu tura sawrkar laipuiin a din a ni a, RCI hmalakna hian rualbanlo enkawltu zirtirtu leh NGO-a thawkte intuaihriam nan CRE (Continuing Rehabilitation Education) Programme hi buatsaih thin a ni a. RCI in valid registration a pek te chuh hi rualbanlo zirtir tura pawm an ni. Rualbanlote enkawlna atana dan ‘Persons with Disabilities (PWD) Act, 1995’ siam a ni a, engemawchen hman hnuah revise-a, a famkim lohna te siam tha in PWD (RPWD) Act, 2016 tih chhuah a lo ni ta a. He han thar RPWD Act, 2016 inhrilhfiahna atan CRE Programme hi buatsaih a ni.

He hawnna programme hi Pi Laldawngliani Chawngthu, Director SCERT-in a kaihruai a. Khuallian Pu S.K. Srivastava, Member Secretary, RCI leh Dr. S.H.K. Prasad, Deputy Chief Commissioner ten an tawiawm bawk. Training-ah hian heng- Aizawl Cilvil Hospital, Referral Hospital Falkawn, SSA, RMSA, Gilead Special School, Special Blind School, Bethesda, NILD-NERC leh SCERT atangin rualbanlo lam khawihtu leh hmalatute an lokala, helama mithiam tak tak ten zirtirna an pe a ni.