Tukin zing dar 8 AM khan Pu C. Lalrinsanga chuan Mizofed Petrol Pump AOC, Lunglei ami chu ni khatah darkar 24 inhawng tawh turin a hawng.

Hawnna inkhawm hi Pu. K. Rothangpuia, Vice Chairman, Mizofed in kaihruaiin Pu. C. Lalrinsanga chuan mipui harsatna sutkian nan Mizofed Petrol Pump AOC chu a bul tan nan ni khata darkar 24 hawng thei tura a awm hi
lawmawm ati a. Rikrum thil thu ah Petrol leh Diesel avanga nunna chan an awm thin a, hei hian a sut kian a beisei ani a ti. Petrol Pump mipui ten man chawi lova an biakpawh theih nan BSNL Toll Free Boot bun tum a hmalak anih tur thu a sawi a. Petrol thun chungchanga sawiselna awm thin chu titawpa, hawihawm tak leh dik taka thawk theuh turin Mizofed a thawk tu te a chah bawk ani.

Mizofed Filling Station AOC, Lunglei hi kum 1981 a hawn niin Petrol Normal leh Extra Premium thlakhat ah 1,60,000 lits leh Diesel thlaklhat ah 1,80,000 lits an hralhchhuak thin a, Petrol leh Diesel thlakhata hralhchhuah na
atangin cheng vaibelchhia 2 hmuh thin ani.