Vawiin chawhma khan Lunglei District Cooperative Union General Assembly vawi 24-na chu YMA Conference Hall Lungleiah  hman a ni.

He hun hi LDCU President Pu RVL Chhuanga'n a kaihruai a, khuallian Cooperation Minister Pu C. Lalrinsanga chuan thu sawiin District Cooperative Union hruaitute chu khaw hrang hranga hnathawktu Society te khaikhawmtu an nih angin an mawhphurhna sang tak chu hlen zel turin a fuih a, Society hrang hrangte fuih phura zirtirna tha zawk pe thei tura intuaihriam turin a chah a ni. Minister chuan ei leh bara ram dinhmun chu Cooperation ah a innghah len thu sawiin, therhlo leh sumpai sawrkar atanga tanpuina a awm thin avanga society din ni lova Society hmalakna puitu a ngaia rinawm taka thawkte an hlawh tlin thin thu a sawi bawk a ni. Ta bik bik awm lova thawh hona atanga a hlawkna awm insem tlan chu Society tum a nih angin tanrualna leh thawh hona tha nena thawh chi a ni a  ti a, Mizo te chu ei bil thi thi ti thin kan nih angin he Cooperative Society hi kan khawtlang nun nen pawh a inrem hle a ni a ti bawk. Society Inkaihhruaina dan leh hrai te zam ni mahse a tak tak zawk chu thinlungah a ni zawk a ti a, Pathian tihna leh taihmakna nen a hlawhtling ngei tura thawk turin Society member kal khawmte a chah a ni.

LDCU General Assembly ah hian an Executive Officer Pu Lalruatfela,n an hmalak tawhna leh hmachhawpte report a pe a, LDCU hnuai a LIMCOS te chuan PACS atanga an hlep pawisafai a tul anga pawimawha hman atan Minister hnenah hian an hlan a ni.