Vawiin khan Coordination Sub-Committee on Traffic Management chu Home Minister Pu R. Lalzirliana kaihhruaiin Home Minister Office-ah an thukhawm. Meeting-ah hian UD&PA Minister Pu Zodintluanga, Lt. Col. (Rtd.) Z.S. Zuala leh Pu Hmingdailova Khiangte, Parliamentary Secretary-te leh AMC Deputy Mayor te an tel a ni.

Meeting-ah hian Aizawl khawpui chhung tawt lutuk tiziaawm tura hmalakna pakhat – lirthei hun (park)-na felfai zawk neih chungchang sawiho a ni a. Home Minister chuan kawng tawt lutuk avanga mipuiin harsatna an tawh hrang hrangte sukiang tura a kaihhnawih Department leh Municipality thawhhona tha tak a awm chu lawmawm a tih thu a sawi a ni.

Vawiin meeting-ah hian khawpui chhunga lirthei tlan (traffic flow) ah harsatna a awmloh nan Dan dinglaia siamthat ngai lai lai te siamthat hna kalpui mek a nih thu tarlan a ni a. Kawng lun lai leh tawt lutuk ah chuan ke a kalte leh lirthei insulpel turte tana harsatna a awm phah loh nan parking area siam a nih loh tur te tarlan a ni a. Tun dinhmunah Sikulpuikawn atanga Khatla panna kawng (Peter’s Street) ah parking area rin a nih tawh loh thu te sawilan niin, helai kawngah hia  rush hour chhung chuan truck bungraw phur tan loading leh unloading phalloh ni se tia rel a ni bawk.

Vawiin meeting-ah hian AMC, Home Department leh UD&PA officer-te an tel a ni.