4.6.2018 a Council of Minister thutkhawm chhunzawmna vawiina Chief Minister hova Cabinet Meeting chuan sawrkar department hrang hrang atanga thu pawimawh lutte an ngaihtuah zingah Citizenship Amendment Bill 2016 an sawi tel a. Hei hi Mizoram sawrkar chuan a duhlo tih an resolve a, Assembly House-ah pass turin an ti. Chief Minister chuan a hma in Union Home Minister hnenah pawh Mizoram chuan he Bill hi an duhloh thu an lo zuk thawn tawh this sawi a ni.

Sinlung Hills Council Bill chungchang ngaihtuahin vawiin Cabinet Meeting chuan bill hi pass in, June ni 27-ah Mizoram Legislation Assembly Special Session thukhawm a ngaihtuah tur a tih a ni.

Tunhnaia ruahsur nasa in Mizoram hmun hrang hranga chhiatna a thlen avangin Home Minister Pu R. Lalzirliana chuan mipuite tanpui leh chhawmdawl hna tha zawka thawh a nih theih nan Mizoram Police Association Conference, June ni 14-15, 2018 a neih tum chu cancel in, Police te chu an post ah theuh awm vek turin a hriattir bawk. Hemi rual hian sawrkar hnathawk dangte pawh, a bik takin chhiatrupna kaihhnawih a mawhphurhna neite chu inring renga awm tura hriattir an ni bawk.