Mizoram Sawrkar chuan hri leng Novel Coronavirus (COVID-19) laka invenna kawng hrang hrangin a buaipui mek a. Hetih lai hian Mizoram chhungah a vei, case pakhat mah a la awm lo va. Vei awm anga Social Media a thehdarhtute pawh Mizoram Police ten an chhui mek a, case siam sak an ni dawn. 

Covid-19 avang hian mipui tan chiaina tur a awm lova. Zin veivahna kawng thenkhat khar ni mahse bungraw mamawh phur erawh chu a pangngaiin a kal reng dawn a. Eichawp leh ni tin mamawh dang inchhek khawl lawk a tul lova, bungrua a toa zawrh leh chheprelh phei chu khap tlat a ni a. Thil diklo titute lakah hremna lek kawh a ni ang.