Tunlaia khawvel hmun hrang hranga natna leng mek COVID -19 laka ilo inven lawkna leh inpuahchahna kal mekah vawiin khan Lunglei District Disaster Management Authority (DDMA) chu National Disaster Management Authority (NDMA) atanga an thu dawn bawhzuiin Lunglei District huamchhunga inkhunghranna (Quarantine leh isolation facilities) atana hman turte ngaihtuahin an Chairman Lunglei DC Pu R. Vanrengpuia hovin DC Conference Hall-ah an thukhawm.

Mizoram pawn atanga Lunglei District rawn let, inkhung hrang tura tih, amaherawhchu mahni ina inkhunghranna neilo te tan Quarantine Facility hi buatsaih mek a ni a. District chhungah Quarantine Facility panga (5) ruat niin chungte chu a hnuaia tarlan te hi an ni:

S No

 

Facility Hming leh Awmna Hmun

Contact Person and Mobile Number

Capacity

1

Government High School, Chanmari, Lunglei

Pi ZD Dengsailovi, Headmaster, Govt High School

Phone: 9436371902

50

2

Govt J Buana College

Bazar Veng

Prof J Zorema

Principal, JB College

Phone: 8794061613

50

3

Mizoram Polytechnic

Lunglei Hrangchalkawn

Er B. Lalhmuakluaia

Principal, MPL

Phone: 9862097508

50

4

Government High School, Bunghmun

Pu Lalrinsanga Hnamte

BDO, Bunghmun

Phone : 8826815232

30

5

Tourist Lodge, Tlabung

Pu Lalsanglura

SDO (C), Tlabung

Phone : 7085979191

20

   

Tin, Covid-19 vei emaw rinhlelh anlo awm anih chuan anmahni dah hranna tur “Isolation Ward” pawh ruahman mek zel niin Lunglei Civil Hospital-ah khum sawm (10), Christian Hospital Serkawn-ah khum pariat (8), Hope Hospital, Lunglei-ah khum pathum (3), Faith Hospital, Lunglei-ah khum pathum (3), John Williams Hospital Lunglei-ah khum pakhat (1) leh Tlabung Sub Divisional Hospital-ah khum pathum (3) awm tura ruat an ni a. Tin, Primary Health Centre tinah Isolation Ward hi buatsaih a ni bawk. 

Covid-19 hi National Disaster Management Authority (NDMA) in 'notified disaster' a a pawm tawh avangin State Disaster Response Fund (SDRF) atanga tanpuina awm thei ang te he meeting ah hian sawiho nghal a ni a. Heng Quarantine Facility leh Isolation Ward a mamawh tur hrang hrang te pawh sawiho leh rel fel niin heng mamawhte hi vawiinah State Disaster Management Authority hnenah thlen nghal a ni.  

Covid-19 chungchangah hian Lunglei District Magistrate chuan thuchhuah leh mipuite hriat tur leh zawm tur Order engemawzat a ti chhuak tawh a. 

Lunglei District chhunga international boundary pela Kawrpuichhuah kaltlang leh ramri hmun dang reng reng atanga Lunglei District chhunga luh leh chhuah phal a ni lo a.

Tin, State Level Task Force on Mitigation of Coronavirus (COVID-19) Meeting, SP Aizawl Conference Hall-a Dt 10th March, 2020 10:00 AM a neih thurel angin Covid-19 hri leng laka kan lo him zawk nan inven leh fimkhur a ngaih avangin thu leh a awm hma chuan Pawl leh Kohhran thila mipui punkhawm ngaihna ang chi te buatsaih lo tura ngen kan ni bawk a.

Tin, Lunglei District chhung pawl leh kohhran punkhawm / Inkhawmpui, khual khua atanga inkohkhawm ngai ang chi reng reng buatsaih khap a ni a. Lunglei District chhunga mimal/chhungkua pawh, khualkhua atanga inkohkhawm ngai chi programme/ Function hran siama punkhawm an buatsaih khap a ni bawk. Lunglei District chhunga loh theih loh thil ang chi a hetiang punkhawmna siam tur chuan District Magistrate hnenah dilna thehluh tur a ni.

Sawrkarin Lunglei District tana COVID 19 helpline a siam te: 6033151202, 7629072340, 9436361845, 9862816040, 6009953124 te chu engtiklai pawhin phone theih an nih thu DDMA chuan tarlangin heng number-te hi hmang tangkai turin mipuite a chah a. Tin, Mizoram pawn atanga Lunglei District rawn lut/haw, mahni ina inkhunghranna hmun remchang neilo te pawhin Helpline Number hi an be vat tur a ni. 

Attachment

  • Loading attachment...