Novel Coronavirus (COVID-19) laka invenna atana Sawrkar Laipui hnuaia Ministry of Personnel, Public Grievances and Pensions (Department of Personnel & Training)-in Sawrkar hnathawkte office kai dan tur Roster a siam zul zuiin vawiin khan Mizoram Sawrkar Department hnuaia thawk te office kai dan tur ruahmanna leh inkaihhruaina chu General Administration Department chuan a hnuai a mi ang hian a chhuah.
1. Head of Department (HoD)/Heads of Office (HoO) te chuan an hnuaia Sawrkar hnathawk Group B, C leh D hnathawk za zelah 50 chu nitin office an kai nan hma an la tur a ni. A bak zawng (a bang za zelah 50)-te chu anmahni chenna in atanga hna thawk turin an hriattir ang. HoD leh HoO zawng zawng ten Group B, C leh D hnathawk te, kar tin an hna kal dan tur Roster of Duty siamin, a kar inthlakin (alternate weeks) hnathawkte kal dan tur Roster an ruahman theuh tur a ni. Hapta hmasa ber Roster an siamah hian office bul hnaia chengte leh veivahna tur mahni lirthei neite telh tura thurawn pek an ni.
2. Mahni chenna in atanga hna thawkte chu a ni ah chuan telephone emaw, electronic inbiak pawhna dangte hmangin emaw engtik lai pawhin mahni hna thilah nilenga thu leh hla lo ngaihchan reng tur a ni ang. Tul bik thilah chuan office-a koh an nih chuan office an kal tur a ni ang.
3. Head of Department leh Heads of Office (HoO) zawng zawngin an hnuaia Attached/Subordinate Office-te, Autonomous/Statutory Bodies-te/Public Sector Undertaking-te hnenah he inkaihhruaina dan hi an hriattir vek tur a ni.
4. Heng inkaihhruaina leh ruahmanna te hian service tul (essential services) Power & Electricity, Public Health Engineering, Food, Civil Services & Consumer Affairs, Health & Family Welfare leh Excise & Narcotics Department Office te leh an hnuaia thawkte bakah emergency services - Fire & Emergency Services leh traffic management, dan leh thu pek kenkawhna kawnga thawk Department-te/hnathawkte, COVID-19 laka invenna leh mawhphurhna neite a huam tel lovang.
5. He thupek hi hman tan nghal tur niin April ni 4, 2020 thlenga hman tur a ni ang.
