No.2146/2020-2020

Lunglei DC Pu V.Lalsangliana chuan vawiin 18/06/2020 (Thursday) hian a hnuaia tarlan angin order a ti chhuak:

Lunglei District chhungah Covid-19 positive 45 hmuhchhuah a nih hnuah Ni 18.6.2020 hian positive dang pakhat hmuhchhuah leh a ni a. Ani hi Covid Care Centre, Lunglei Gov’t College-ah enkawl tura dah nghal a ni.

Tuna positive hmuhchhuah leh hi Community Quarantine Centre – BCM Chanmari-a awm sa mek a ni a, mipui vantlang zinga positive case hi hmuhchhuah ni lovin State dang atanga lo haw a ni a. Chuvangin mipui tan chiai na tur a awm lova, a hmunhmate pawh Disinfection Team-te’n an tihthianghlim nghal a ni. Sorkar-in inkaihhruaina a siamte zawm a, fimkhur taka kan awm hian tuna positive case kan neihte avanga hlauhthawn tur a awm lo a.

Hetiang hi kan dinhmun a nih laiin positive case hmuhna hmun Community Quarantine Centre – BCM Chanmari chu luh leh chhuah phal lohna hmun (containment area) a tana puan ngai niin hriat a ni a.

Chuvangin regulation 11(1)(b) of the Mizoram Epidemic Disease (COVID – 19) Regulations, 2020 behchhanin Community Quarantine Centre – BCM Chanmari hung chhungah Medical duty, security duty, Deputy Commissioner – in phalna a pekte leh he Community Quarantine Centre-a thawk tura ruat-te bak mi tumah an lutin an chhuak tur a ni lo.

He thupek hi thu leh awm hma chuan hman a ni ang.