No.2147/2020-2020

Vawiin chawhma atang khan DRDA office leh BDO, Siaha RD Block office tangkawp chuan Siaha lehTisôpi inkar PMGSY kawng sial tharah thingphun hnatlang an nei. Vawiina thingphun hnatlangah hian Tlaizawng tiak( Cherry Blossom seedling) 100 an phun a, he Tlaizawng tiak hi LADC Forest Dept,Lawngtlai atanga lak a ni.

Green Mizoram Day,2020 Committee chuan kum danga a lo tih thin tawh angin,Siaha district-ah pawh atam thei ang bera thingtiak phun turin a rel a. He thurel bawhzui hian DRDA Office,Siaha chuan Green Mizoram Day 2020 denchhenin tarik ni 11/06/2020 khan Siaha-Tisôpi,PMGSY kawngah hian Thingtiak 20 heng: May flower--5,Thlado---10 leh khuangthli--5 tiak hi an lo phun tawh bawk a ni.

Siaha-Tisôpi kawng hi Mizoram PWD enkawl lai a nih avangin, he kawngsira thingtiak phun te leh a enkawl zui hna hi an mawha la turin (adopt) turin DRDA office leh BDO,Siaha RD Block chuan EE PWD,Siaha hnenah dilna an thehlut bawk a ni.

Vawiin thingphun hnatlang hi tawngtainain Pu HC.Biakcheua bialtu MDC in a hawng a ni.

Pu B.Lalchhawntluanga,PD,DRDA chuan thingtiak phun hnatlang a lo chhuak khawm te hnenah lawmthu sawiin, vawiin kan thingtiak phun te hi vil zuiin,a nung khawchhuak zawng te hi Brick in a hungna ka siam vek dawn a ni, a ti.

Vawiin hnatlang hriat reng nan Bialtu MDC Pu HC.Biakcheua, Pu B.Lalchhawntluanga,PD DRDA leh Pu N.Vabeiratlua,DIPRO ten thingtiak pakhat theuh an phun bawk.