No.2145/2020-2020

Mizoram chhunga Government/Community/ Hotel/Home Quarantine Facility a awm tura tihte reng reng chu ni 21 chhung an awm ang.

1. Quarantine-a awm chhung hian Health Department-in inkaihhruaina a siamte chu tha taka zawm tur a ni.

2. mCOVID-19 leh Aarogya Setu-ah in register vek tur a ni.

3. Quarantine period hun chhung hi ni 21 a ni a; hemi chhung hian RT-PCR test result chhuak hman ngei tura ngaih a ni a, test result hre hmasa lovin tumah Quarantine Centre chhuahsan phal a ni lo. Amaherawhchu ni 14 a ral tawh a, PCR result a negative bawk chuan Quarantine Facilities chhuahsan phal an ni. Rokhawlhna enge maw avanga hemi chhunga test result chhuak hman lo an awm palh hlauh chuan Quarantine Centre bialtu Health official leh bialtu CMO te inbe rawnin an chungchang an rel fel ang.

4. RT-PCR Test hun tur: RT-PCR Test tur sample chu Quarantine Centre an luh atanga ni 5 ral hnuah lak tur a ni. Covid-19 positive te nena in contact hnai (close contact) te chu positive te nena an in contact atanga chhiar a ni 5-10 inkarah RT-PCR test tura sample lak sak tur a ni. Home quarantine a awmte chu ni 5-10 inkarah sample lak tur a ni. Hei hi CMO ten ruahmanna an lo siam ang.

5. Quarantine zo tawhte chu Health & Family Welfare Department-a bialtu ten Quarantine period Completion Certificate an pe thin ang. An chhuah atanga ni 7 chhung chu mahni uluk taka invawn (self-monitoring) tura ni. Hemi chhung hian a hnuai amite hi tha takin a zawm tur a ni:-

(a) Covid-19 laka mahni, chhungkua leh khawtlang him nan a zawm tur hrang hrang te – mask tha taka vuah, social distancing tha taka zawm leh kut silfai fo te bakah hriselna kawngah mahni theuh invawn uluk zui zel tur a ni.

(b) Tuallaiah an leng chhuak tur a ni lova, in lamah inleng an kawm tur a ni lo.

(c) Natna kai awl bik ho - kum upa, naupai, naupang, lung natna vei, zunthlum, cancer, HIV etc vei te bulah awm lo thei se.

(d) Ram lama hna thawka kal chhuah leh thlama ram riah phal a ni.

Hriselna lama harsatna nei chuan heng contact no-ah te hian thu thlen reng theih a ni e: 102 (Toll free) / 0389-2323336, 0389-2322336, 0389-2318336.

Hei hian hemi chungchanga Notification lo awm tawh a supersede ang a. RAT chungchangah chuan Government Notification No.D.33011/22/2020-HFW(nCOV)/Pt-II Dt. 12.6.2020 hman tur a ni.