No.4216/2020-2021
Nimin August ni 18, 2020 khan ZMC Laboratory-a RT-PCR khawl hmanga swab sample test 366 zingah COVID-19 vei 30 hmuhchhuah thar a ni a. Rapid Antigen Test 327 tih niin COVID-19 vei 14 hmuhchhuah a ni bawk a. Lunglei Civil Hospital TrueNAT laboratory-a sample test 25 zingah COVID-19 vei hmuhchhuah thar 1 a awm bawk.
ZMC Laboratory-a COVID-19 positive hmuhchhuah tharte hi mipa 15 leh hmeichhia 15 niin, Aizawl district, Lawngtlai district leh Mamit district-a sample lakte an ni.
Aizawl district-a COVID-19 vei hmuhchhuah tharte hi mi 21 niin mipa 12 leh hmeichhia 9 an ni a. An zingah hian positive contact atanga kai 6 (hmeichhia 5, mipa 1) an awm a, 4 hi travel history nei, kum 20-23 inkar, Quarantine Facility hmunkhat a awm lai, hmeichhia vek an ni a. 2 hi travel history neilo, local contact atanga kai mipa kum 54 a upa, Venghnuai, Aizawl a mi leh hmeichhia kum 46, Chaltlang Lily Veng, Aizawl a mi te an ni. Midang zawng hi kum 24-46 inkar a upa an ni a, Indian Army 3 an tel a, an vai hian Quarantine Facility a awm mek niin, positive hmuhchhuah tharte zingah COVID-19 symptoms nei an awm rih lo.
Lawngtlai district-ah COVID-19 positive thar 6 hmuhchhuah niin mipa 2 leh hmeichhia 4, kum 19-23 inkar, Delhi atanga lo haw vek an ni a. An vai hian Quarantine Facility a awm mek, COVID-19 symptoms neilo an ni.
Mamit district-ah COVID-19 positive thar 3 hmuhchhuah niin mipa 1, hmeichhia 2, kum 12-36 inkar, Delhi atanga lo haw vek an ni a. Quarantine Facility a awm lai mek, COVID-19 symptoms neilo vek an ni.
Rapid Antigen Test hmanga COVID-19 positive hmuhchhuahte hi Kolasib district-a sample test zinga mi vek an ni a, hnamdang lirthei khalhtu, mipa vek, kum 20-50 inkar, Assam, Jharkhand leh Haryana atanga lo kalte niin. COVID-19 symptoms nei an awmlo.
Lunglei Civil Hospital TrueNAT PCR Laboratory-a COVID-19 positive hmuhchhuah hi mipa kum 27 a upa, August ni 10, 2020 a Jharkhand atanga lo lut, BRN Company a thawk, quarantine centre a awm lai a ni.
Lunglei Civil Hospital TrueNAT PCR Laboratory-a sample test zinga 6 hi Lunglei Civil Hospital-a thawktu/staff an ni a. A dang zawng hi quarantine facility-a awm lai an ni.
August ni 18, 202O a ZMC RT-PCR laboratory-a District hrang hrang sample test zat
Aizawl - 313 (Mipa - 164, Hmeichhia - 149)
Champhai - 5 (Mipa - 3, Hmeichhia - 2)
Lawngtlai - 22 (Mipa - 10, Hmeichhia - 12)
Lunglei - 1 (Hmeichhia)
Mamit - 3 (Mipa - 1, Hmeichhia - 2)
Serchhip - 22 (Mipa vek)
Total - 366 (Mipa - 200, Hmeichhia - 166)
August ni 18, 202O a Lunglei Civil Hospital TrueNAT PCR Laboratory-a sample test zat
Total - 25 (Mipa - 20, Hmeichhia - 5)
August ni 18, 202O a Rapid Antigen Test hmanga District hrang hrang sample test zat
Aizawl - 18 (Mipa - 10 Hmeichhia - 8)
Kolasib - 260 (Mipa - 246, Hmeichhia - 14)
Champhai - 21 (Mipa - 12, Hmeichhia - 9)
Mamit - 3 (Mipa vek)
Serchhip - 17 (Mipa - 12, Hmeichhia - 5)
Hnahthial - 8 (Mipa vek)
Total - 327 (Mipa - 291, Hmeichhia - 36)
