Vawiin chawhma khan CID Crime buatsaihin  Arya Mess, Police Headquarters, Khatla ah “Training on CCTNS for Police Officers of Mizoram” chu ni hnih awh tur a neih a ni a, Pu LH Shanliana, IPS, IGP (Law & Order) in training hawnna hun a hmang.

Pu LH Shanliana chuan,”Tunlai thiamna Information Technology hmanga Police thuam chakna tur a National e-Governance Plan (NeGP), Govt. of India hnuaia project pawimawh tak pakhat CCTNS (Crime And Criminal Tracking Network And System) chungchang uluk zawk a inzirtirna atan training buatsaih a ni thei hi a lawmawm hle,” ati a,” India ram pumpui a police te nen a inthlunzawmna tha zawk leh kan hnathawh hrang hrangte awlsam zawk a kan in hrilhhriat zung zung theih na turin CCTNS hi hmanraw pawimawh tak a ni a, CCTNS hi a nih dan tur ang taka hman anih chuan Police te hnuchhuina kawngah leh misualte dapchhuahna kawngah nasa takin min pui dawn a ni,” ati bawk.

He training programme ah hian District hrang hrang atangin SP Pali (4), Additional SP leh Deputy Commandant sawm pakhat (11) leh SDPO leh DySP pakua (9) te an tel a, National Crime Records Bureau, New Delhi atangin CCTNS mithiam Shri SV Nawani, JSO leh Shri Arun VR, DPA ten training hi an pe a ni. Disrtict tina CCTNS Co-ordinator leh thlan bik Police Officer ten Ni 28.02.19 hian training hi an neih chhunzawm bawk ang.