Vawiin khan Kolasib Bawrhsap Video Conference Room ah Chapchar kut 2019 hman dan tur relin Working Committee Member te chuan thutkhawmna hnunhnung an nei.

Kolasib a Chapchar Kut hmanna ah hian Kolasib bialtu MLA leh FCS&CA, Fisheries etc Minister ni bawk Pu K Lalrinliana chu Kut Pa a tan beisei ani a, Kolasib Bawrhsap Pu Zoengsanga chu Kut Thlengtu ani ang. Hemi ni hian Mizo hnam lam leh zai chi hrang hrang bakah Cheraw Kanpui neih tur ani a, Chawhnu lamah Chapchar Lunglen hun hman ani bawk ang. Kut Pual hian Kum 80 chunglam tan thilpek tur ruahman niin Kolasib ti hming thatu heng Pu GS Zaithantluanga, Nl Lalremsiami, Pu PL Lalrinsanga leh Dr.R Lalthlamuana te chu chawimawina hlan anni bawk ang.

Kolasib Khawpui bakah vairengte leh Kawnpui Sub-Division ah te pawh Chapchar kut hi hman tur niin Chapchar Kut Working Committee chuan he ni pawimawh hi chhim theuh turin mipuite a sawm a ni.