Ni thum (3) chhung awh tur S.P. Aizawl hnuai-a Crime Review Meeting chu vawiin Dt.14.12.16 chawhma dar 10:00 khan tan a ni. Police Officer 50 chuang kal khawm-te lo lawmna neiin S.P Aizawl Pu Lalhuliana Fanai chuan hawnna a nei a ni.
S.P Aizawl chuan, Police Officer-te chu tun kum chhunga taima tak leh rim taka hna an thawh avanga an hlawhtlinna hmuh-te chu lawmawm a tiin, tha thlah mai lo a tang zel turin a chah a ni. Police-te chu Sorkar hnathawk zinga mipui-te rawngbawl nasa ber an nih angin, mi tanpui ngai lo kal-te chu theihtawp a lo tanpui thin turin a chah. Kan hma lawk a kan hun pui neih Krismas leh Kumthar lo thleng tur-ah mipui ten hlim leh muanawm taka kan hman theih nan, Passenger phur Commercial vehicle chauh bak-ah, Private motor driver-te pawh ruihtheihthil a an fihlim leh hlim loh breath analyzer hmanga endik turin a chah bawk a ni.
Krismas leh Kumthar vuakvet-ah Magistrate in halphuah leh halmawi, silai lem a mu kapchhuak thei chi kawl leh zawrh a khap na chungin, heng dan bawhchhia man tur leh case siamsak ngai an awm zeuh zeuh chu pawi a tiin nasa leh zual a checking nei zel turin a chah bawk.
Meeting-ah hian case pending la awm mek 354 te hma lak zel dan tur sawiho a ni a, heng zing-ah hian case lian leh harsa zual Special Report case 36 a awm a ni.
