946/2022-2023
Aizawl, the 17th June 2022: Vawin khan 225 Bn CRPF, Zemabawk te chuan blood donation camp neiin, a mamawh apiangte hman atan thisen an pe a. He hun hi Pu Ravideep Singh Sahi, IGP, CRPF, Tripura Sector leh Pu Henzang, Commandant 225 Bn CRPF te chuan an hmanpui a ni.

IGP chuan a mammawh apiang te hman theih tur a thisen pek theihna hun remchang an nei chu lawmawm a tih thu a sawi a. Civil Hospital blood bank ten Battalion Headquarter Zemabawk a kal chilh a, thisen an laksak theih avangin Civil Hospital Blood Bank a thawkte chu fakawm a tih thu a sawi bawk. He blood donation camp ah hian 225Bn CRPF mi leh sa te chuan thisen unit 63 an pe a ni.

225 Bn CRPF Zemabawk te hian kum tin in blood donation camp hi an lo nei tawh thin a. Kum engemaw chhung chu Thisen pe tam lawmman te pawh anlo dawng tawh a. Nikum chhungah pawh khan thisen unit 76 pe in Mizoram pum huap thisen pe tam lawmman pathumna an la bawk a ni.