Vawiin chawhma khan Horticulture Conference Hall-ah North Eastern Council kaltlanga Mizoram sawrkarin hmasawnna hna a thawh mekte thlirhona neih a ni a, Chief Secretary Pu Van Hela Pachuau-in inkhawm hi kaihruaiin NEC aiawhin Pu J.Lhumding IDAS, NEC Planning Adviser a lo kal a ni.
He inkhawmah hian NEC tanpuinaa Mizoram Sawrkarin hmasawnna hna (Project) hrang hrang a thawh mekte thawh zawh anih hun tur (timeframe for completion) fel taka bituk that anih theih dan tur rel ho a ni a, 11th Five-Year Plan chhunga thawh zawh tura tih Project tam takah hmalakna muang lutuk chu thil man sang zelin a nghawng zel avanga cost escalation a siam nasat avangin a tira sum ruahman lawk sa in a daih zo thin lova; hei vang hian project cost revise a lo ngai ta hial thin a ni. Heng bakah hian hmasawnna hna thawh kal mekin harsatna a tawh hrang hrangte sutkian dan tur ngaihtuahho a ni bawk.
Pu J.Lhungdim chuan kum 2010-11 atana priority list pawh a rang thei ang bera NEC a thehlut turin kalkhawmte a chah a, heng priority list-te hi Mizoram Sawrkarin tunah hian thehluh mai theih turin a buatsaih mek a, peihfel tep ani tawh tih report a ni bawk.
He inkhawmah hian Pu P.L.Thanga Member Secretary, State Planning Board leh Pu Jograj Chhettri Principal Adviser, State Planning Board bakah Executing Department hrang hrang aiawhte an tel kim hle a ni.
Pu J.Lhungdim chuan kum 2010-11 atana priority list pawh a rang thei ang bera NEC a thehlut turin kalkhawmte a chah a, heng priority list-te hi Mizoram Sawrkarin tunah hian thehluh mai theih turin a buatsaih mek a, peihfel tep ani tawh tih report a ni bawk.
He inkhawmah hian Pu P.L.Thanga Member Secretary, State Planning Board leh Pu Jograj Chhettri Principal Adviser, State Planning Board bakah Executing Department hrang hrang aiawhte an tel kim hle a ni.
