No.3245/2021-2022
Aizawl the 2nd December 2021: Vawiin khan ABCI Infrastructures Pvt. Ltd (Pkg-6) atangin CSR kaltlanga cheng nuai 7 senga ruahman Ambulance chu Tawipui PHC MO Dr.C.Lalhlimpuii hnenah Lunglei South bialtu MLA Dr.K.Pachhunga chuan a hlan.

Hlanna inkhawm Lunglei DC Pu Kulothungan A, IAS kaihhruaiah Dr.K.Pachhunga MLA chuan ABCI Infrastructures Pvt. Ltd(Pkg-6) hotuten cheng nuai 7 man hu Ambulance Maruti Suzuki Eeco Van Tawipui PHC hman atan an hlan chu lawmawm a tih thu a sawi a, Tawipui PHC building pawh cheng nuai 200 vel a sak thar tur a ruahman a nih thu a sawi a ni.

Lunglei DC Pu Kulothungan A pawhin thu sawiin Tawipui khawtlang in Ambulance tha tak an dawng chu a lawmpui thu sawiin Tawipui leh a chhehvela mipuite tan a hlu hle dawn a, mihring nunna chhan nan a tangkai dawn a ni, a ti bawk.

Tawipui PHC huam chhungah hian khaw sawm(10) awmin mihring sangriat(8000) vel an awm a ni.

Ambulance hlanna inkhawm Lunglei DC Conference hall-a neihah hian ABCI Infrastructures Pvt. Ltd(Pkg-6) General Manager Pu Khilesh Singh leh a hote an rawn tel a ni.