No.3246/2021-2022
Aizawl the 2nd December, 2021 : Vawiin khan Chanmari YMA Hall-ah Mizoram a Common Service Center te chuan Independence Day vawi 75-na lawmna Programme an nei a, Pu Lalramsanga Sailo, IRS, Secretary ICT Department chu khuallian a ni.

He Programme hi session hnih(2) a then niin Pu Benjamin Lalremruata (Chairman, Aizawl VLE Society) in a kaihruai a, session khatna (chawhma)-ah tun kum chhung a Village Level Entrepreneur (VLE)ti thate chawimawina hun hman niin, Chawhnu lam-ah Training hun hman a ni.

Session khatna-ah hian Pu Lalduhkima, State Manager-in CSC report tlangpui a pek hnuah khuallian Pu Lalramsanga Sailo, IRS, Secretary ICT Department in VLE transaction ngah te Award hlanna hun a hmang a. Thusawina hun hmang nghalin chawimawina dawngte a lawmpui bakah fuihna thu tha tak tak a sawi bawk ani.

He programme ah hian Dr.Lalthlamuana CIO, ICT Department pawh in CSC te fuihna thu tha tak a sawi bawk a. Pu Lalrinmawia, President, Mizoram CSC Association, Pu Hmingthanga Kipgen, Vice Chairman, Aizawl CSC Society leh VLE te hnen atangin thu tha tak tak ngaihthlak a ni bawk a ni.

Chawhnu lam Session hi CSC-VLE te Training-na hun atan hman a ni a, CSC ten an tangkaipui tur service hrang hrang e-shram, Insurance, Banking, Digipay, PMGDISHA, Tele-Law leh Estore-chungchangah te Resource person ten training an pe a ni.