No.2587/2021-2022
Aizawl. 13th October, 2021 : Lunglei DC Pu Kulothungan A, IAS hmalakna in National Projects Construction Corporation Ltd. (NPCC) atangin CSR kaltlanga Ambulance dawn thar chu vawiin khan Tlabung SMO Dr. R. Lalnienga hnenah Lunglei DC in a hlan.

NPCC hotute hian vawiin chawhnu khan cheng nuai 20 man Ambulance Type C chu Lunglei DC Pu Kulothungan A hnenah an hlan a, Ambulance hlanna inkhawm Lunglei Bawrhsap Pisa-a neihah hian Lunglei DC chuan NPCC ten Lunglei District chhung khawthlang lam tana Ambulance tha tak mai an pe chu lawmawm a tih thu a sawi a, a bik takin hriselna lama mamawh la ngah tak Tlabung leh a chhehvel mipuite tan a hlu hle dawn a ni tiin Ambulance Type C chu Lunglei Dist in a vawikhat neihna a ni a tiin lirthei tha bik a nih angin thingtlang leh chengker deuha awmte tan a tangkai leh zual a rin thu a sawi bawk.

Ambulance thar hi vawiin vek khan Tlabung Sub-Divisional Hospitala hman turin Tlabung SMO Dr. R. Lalnienga hnenah DC hian a hlan nghal a, Lunglei DC chuan Ambulance an neih theih nana hma latu NPCC hotu hrang hrangte hnenah Lunglei District mipui aiawhin lawmthu a sawi bawk a ni.

Cheng nuai 20 man Ambulance Type C phal taka donate tu National Projects Construction Corporation Ltd. (NPCC) leh a hnuaia tarlan an hotute chungah District Administration chuan Lunglei mipuite aiawhin lawmthu a sawi a ni. 

1. Ms. Debashree Mukherjee, IAS, Former CMD NPCC 

2. Mr RK Agarwal, CMD NPCC 

3. Smt D. Baby, OSD to CMD, NPCC 

4. Dr YL Singh, Zonal Manager, NPCC 

5. Mr. Rajesh Kanna, Senior Manager, NPCC 

6. Mr Manish Deo, Senior Manager, NPCC