Cyber Cryme chungchangah a hnuai ami ang hian Aizawl Add. S.P chuan mipuite hriat leh zawm atan thuchhuah a siam.

Tunlai hian Mizoramah midangte kutchhuak abikin Music Video leh Audio mai bakah Zonet/LPS te programme, a neitu emaw a siam chhuaktu phalna la hmasa lova Youtube Channel leh Internet-a upload a, pawisa siam nana hmang mi tam tak an awm tih hriat a ni a, he an thil tih hian a siam chhuaktu emaw a neitu te tan sumdawnna lamah harsatna nasa tak a siam sak a. Tin, hetiang thil tih hi dan kalh a ni a, chutiang ti te chu Information Technology Act 2000 leh Copyright Act 1957 hmangih Criminal case siam sak theih an ni a, chuvang chuan mipuite chu he thilah hian inhnamhnawih lo turin kan hriattir a ni. Tin, lo ti tawh leh ti mek te pawhia a neitu leh a siam chhuaktu phalna la lova Youtube leh Internet-a upload reng reng te ti tawp nghal turin hriattir an ni a. Lo ti lui emaw ti chhunzawm an awm a nih chuan Mizoram Police Cyber Crime Cell ten chhui zuiin hma an la nghal dawn a ni.