Vawiin khan Saikuti Hall Lunglei ah District committee on Total Literacy Drive, Lunglei District buatsaihin International Literacy Day 2018 hman ani. Pu Josept Lalhimpuia, Chairman Mizoram Youth Commission chu khuallian niin, Pu Benjamin Lalzama, Addl. Deputy Commissioner chu khualzahawm ani.International Literacy Day 2018 thupui atan Literacy and Skill Development tih ani.

Literacy Day 2018 hmanna inkhawm hi Pu Lalramthianghlima, District Education Officer, Lunglei in kaihruaiin Khuallian Pu Josept Lalhimpuia chuan Sap Missionary Pu Buanga leh Sap Upa ten A,AW,B min zirtirna avangin Mizo chu 100% ziak leh chhiar thiam kan nia, Thalai lehkhathiam tam tak an awm a tunlai khawvel inelna sang tak ah degree certificate te hian eizawnna a hmuh theih dawn lova, chuvangin thiamna tak tak neih a ngai ani ati. Mizo thalai ten khawvel thiamna leh eizawnna dapna kawng zau zawk an neih theihna turin sorkar hian hma nasa takin a la mek ani a ti. MYC hian mithiam tam tak chherchhuah nan coaching center a siam a ziak leh chhiar thiam piah lamah chhiar tam a library tlawh tam turin zirlai te a chah ani. MYC in thalai te tan Youth Centre din dawn a Cheng vaibelchhia 3 in bultan ani ang ati. Central Service tur chherchhuah nan Aizawl leh Lunglei ah coaching centre Alternative Learning System nena thawh hona nen a siam ani a ti, MYC hmang tangkai turin a duh a,nun uluk a taimakna nen a taimakna nena zir theuh turin zirlai te achah bawk.

Khualzahawm Pu Benjamin Lalzama pawh in  thusawiin ziak leh chhiar thiam hi a tawk lova,thluak hman thiam hi a pawimawh ani ati. Lunglei atangin skill development a hlawhtling an awm nual tawh in sorkar hna in a daih dawn loh avangin mahni tui zawng lama kal a ngai thu a sawiin phurna kan neih loh chuan hlawhtlin a harsa a chuvangin tun atanga inbuatsaih turin zirlaite a chah ani.Nu leh Pa thuawia thiamna sang zawh hmanga din chhuah tum theuh tur a duh ani.

Pu Mikey Lalenkawla, DPC, SSA Mission Lunglei in key note Address sawiin mahni kea dina kan intohdelh theihna turin Skill Developoment chungchang sawiin, puitling ziak leh chhiar thiam lote hnen ah ziak leh chhiar tir tura Total Literacy Drive neih tawh leh neih mek chungchang a sawi bawk.

Dr. Ankita Chakravarty, IAS, Deputy Commusiioner, Lunglei chuan MYC Chairman hmalakna avangin spoken english course kan neih theih avangin lawmthu a sawi a. Zirlai leh zirtirtu ten chhawr tangkai theuh turin a chak a ni.

International Literacy Day 2018 Hmanna ah hian Lunglei khawpui chung a Primary School naupang saptawng zirna (Spoken English Cource ) hawnna neih niin he Spoken English Cource zirna hi English Learning Foundation,Chennai te nena thawhhona hnuai a neih tur ani.He ELF Cource hi Lunglei a neih theihna tur hian Lunglei  DC,  Dr. Ankita Chakravarty, IAS chuan hma nasa takin a la a, MYC leh SSA Mission te nena thawkhovin a bul tan nan Lunglei khawpui chhunga Govt. Primary School 25 ah kalpui tan mek ani.

Literacy Skill Development  tih thupui hmangin Middle School, Secondary School leh Higher Secondary School te tan a buatsaih Lunglei Town Inter School Drawing Competition 2018 Lawmman semna neih nghal a ni. Result puanna leh lawmman semna neih  a ni bawk.