404/2023-2024
Cyclonic Storm “Mocha chungchanga Aizawl DC chuan a hnuai ami angin mipuite tan hriattur pawimawh a chhuah.
India Meteorological Department, Ministry of Earth Sciences in May 11, 2023 a thuchhuah a siam angin Bay of Bengal chhimchhak lama Cyclonic Storm “Mocha” in mung mek chuan 13th - 14th May, 2023 hian Mizoram pawh rawn hrut tel thei a rin anih avangin mipuite lo inhmakhua turin kan in hriattir a. Local/ Village Level Disaster Committee te mahni veng/ khua theuhah a tul anga hma lo la turin leh a hnuaia inkaihhruainna tarlante hi lo puangzar turin kan in ngenin kan in hriattir e.
Cyclone tleh hma a tihtur leh tihloh tur te:
1. Mahni In leh lo, Office building leh hnathawhna hmun te’n thli leh ruah a dawl theih nan a tul anga thawm that ngai lai te thawm that tur a ni.
2. Thing leh mau, thli in a len tluk mai theih, Electric Wire-delh mai thei te chu kih/a zar thlak tur a ni.
3. Thlipui leh ruah vanga current neihloh theih anih avangin Mobile Phones leh Electrical appliances charge-theih ang ang te chu charge full sa vek tur a ni.
4. Ei leh in tur a theih chin chinah inlak khawl/ khawm theih a tha.
5. Emergency first aid kit a tul huna hman tur inrin tur a ni.
6. Tui thianghlim khawl khawmna tha tak neih tur a ni.
7. Building ram/hlui chhe tawh hnai vaiah awm loh tur a ni.
8. Cyclone thleng thut thei anih avangin chanchinthar ngun taka ngaihchan tur a ni.
9. Tukverh leh kawngkhar nghet taka khar turani.
10. Thli leh ruah thawk thei thut anih avangin Lui ah leh Lui hnaih ah tumah kal loh tur a ni.
Cyclone tleh laia tihtur leh tihloh tur te:
1. Electrical appliances zawng zawng OFF vek tur ani.
2. Lirthei motor reng reng garage ah him taka ‘park’tur a ni.
3. Mahni in leh lo chhuahsan tur ani lo a; Inchhungah tawm him tur a ni a, chiai tur a nilo.
4. Cyclone tleh lai hian motor khalhchhuah tur a nilo.
5. Tuihawk luankawr bul hnaiah kal loh tur a ni.
Khuarel chhiatna alo thlen in District Emergency Operational Centre
Toll Free Number: 1077 ah emaw Mobile No: 9233942903 te hi engtik lai pawha biak pawh theih a ni a, engemaw vanga line tlang theilo a nih pawhin mahni bial tu Zonal Officers te hnenah chhiatna thlen thu hriattir theih a ni e.
Ministry of Earth Sciences hnuaia Indian Metereological Department in tukin 11:30 AM a National Bulletin an tihchhuah a Bay of Bengal tuipui chhim chhak lama cyclone insiam tantir (deep depression) chu tukin zing khan thlipui tak tak (cyclonic storm)-ah a inleh thu leh cyclone hming hi Mocha anih thu tarlan a ni a. He cyclone hian May 13, 2023(Inrinni) leh May 14, 2023(Pathianni) khian Mizoram hmun tinah ruah a thlen tura ngaih a ni a. May 13, 2023(Inrinni) khian Mizoram hmun tlemte (isolated places i.e., 1%-25)ah ruah tam tak (heavy rain) sur tura ngaih niin May May 14, 2023(Pathianni) khian Mizoram hmun tlemte (isolated places i.e., 1%-25)ah ruah nasa tak (heavy to very heavy rain) sur tura ngaih a ni bawk.
May 14, 2023(Pathianni) khian Mizoramah thli na vak lo rawn thleng ve tura ngaih a ni a, Mizorama thli tleh nat zawng tur chu darkar khata kilometre 50-60 inkar vel, a nat lai berin darkar khata kilometre 70 vel kai thei tura ngaih a ni.
