3902/2023-2024

Lawngtlai dated 20th February 2024: Vawiin chawhnu khan State Day of Prayer Organising Committee bultumin ‘Sual ngaihdam dil a tawngtai rualna’ hun chu CYLA Playground-ah buatsaih a ni a. Hun hman dan hi Session thum a then niin Session khatna hi Rev. Zazawna Lai, General Secretary, LIKBK chuan a kaihruai a. Session hnihna hi Rev. Lalbiakhlua Chawngthu, BCM Lawngtlai North Bialtu leh Session thumna hi Rev. C.Zahmingthanga, PCI i/c Lawngtlai Chandmary bialtu Pastor-ten an kaihruai bawk a ni.

Hun then khatna ah hian ‘Sual ngihdam dilna’ tih thupui a hman niin then hnihna ah hian Pathian hnen a lawmthu sawina hun hman a ni a. Hun then thumna ah hian ‘Inpumpekna leh inhlantharna’ leh ‘Ram tan Pathian tanpuina leh Malsawm dilna’ tih thupui hmangin hun hman a ni. Lawngtlai a State Day of Prayer hmanna ah hian zaihona neih bak ah LIKBK Assembly Choir, PCI Lawngtlai Pastor Bial zaipawl leh BCM Choir, Lawngtlai area-ten hla an rem a, kohhran hrang hrang atangin tawngtai rualna hun hmang tur hian member an tel a ni.