3903/2023-2024

Kolkata, 20th February, 2024 : Vawiin khan Kolkata Raj Bhavan-ah West Bengal Governor Dr C. V. Ananda Bose huaihawtin Mizoram State Day leh Arunachal Pradesh State Day lawmna hun hman a ni a. He hunah hian Kolkata-a Mizo sawrkar hnathawk awm te leh Mizo Welfare leh zirlai hruaitu eng emaw zat an tel.

Governor hi hna ṭul dang avanga a awm remchan loh avangin Adviser to Governor Dr SK Patnaik hovin hun ṭha tak an hmang ho a,  Mizoram aiawhin Joint Resident Commissioner Pu Jacob Lalawmpuia leh Pu David Z. Chongthu, IRS ten thu an sawi a, Mizoram Governor Dr. Haribabu Kambhampati hnen atanga ram pawna Mizo awm te tana State Day thuchah video clip en tir a ni bawk.