Tukin khan Champhai Town Multipurpose CooperativeSociety (CTM-PACS) te siam  mipuiten man tlawm zawka Damdawi an lei theihna tura Generic Drugs Store ‘Jan Aushadi’ chu  Champhai District Senior Medical Officer Dr. R. Lallianmawia'n Society Dawr IB Veng, Champhaiah a hawng. Sorkar laipuiin ruahmanna a siam Pradhan Mantri Bhartiya Jan Aushadhi Kendra (PMBJAK) kaltlanga siam a ni.

Generic Drugs Store hawnna inkhawm  PACS Chairman Pu HS Vanlalfakzuala'n kaihruaiah thusawiin, Senior Medical Officer Pu R.Lallianmawia chuan Sorkar laipui ruahmanna anga Champhai District mipuiten man tlawm zawka Damdawi an lei theihna tura Generic DrugsStore hawn a ni ta chu lawmawm a tih thu sawiin,  'Nang malsawmna niang che' tih thupui a hmangtu Champhai Town Multipurpose Co-operative Society-in hetiang Dawr a hawng hi thil inhmeh tak leh mipui tana vanneihna rahbi thar a ni, a ti a. Dr. R. Lallianmawia chuan Generic Drugs Store a damdawite hi Damdawi Dawr danga zawrhte nen a thawh chak dan in ang reng anihrualin,  damdawi landan tih mawina leh ei a nawm zawkna tura thil dangpawlhsawp ve loh anihna chiah hi a danglamna a ni a ti a.  Mirethei leh khawsak harsa zawk-ten man tlawm zawka Damdawi an lei theihna tura Sorkar laipui ruahmanna anih angin,  Sorkar hriatpui leh dan ang thlapa damdawite hi zawrh anih vangin sawiseltu an awm anih pawhin thin-hrik miah loh tur anih thu a tarlang tel bawk.

Champhai Town Multipurpose Co-operative Society Limited (CTM-PACS) hi kum 2012 khan ding tanin,  member 150 vel an ni a.  Nikum khan Mizoram chhunga Society hlawhtling leh thawk tha ber lawmman a dawnga. Mizoram Apex Bank hnuaiah Mini-Bank hawngin,  Champhai Higher Secondary School changtlung tak a kalpui a.  Mipuiten man tlawm zawka bungrua an lei theihna turin CTM-PACS Variety Store a hawn bakah zirnalam tih hmasawnna turin 'Nursery atanga College' thleng zir theihna tur Vavudil Project a kalpui mek bawk.

Champhai Town Multipurpose Co-operative Society Limited (CTM-PACS) hi kum 1994 a din niin, kum 2012 khan PACS neih a ni a. Tun dinhmunah hian member 150 vel an awm a. Mizoram Apex Bank hnuaiah Mini-Bank hawngin,  Champhai Higher Secondary School changtlung tak a kalpui a.  Mipuiten man tlawm zawka bungrua an lei theihna turin CTM-PACS Variety Store a hawn bakah zirna lam tih hmasawnna turin 'Nursery atanga College' thlenga thiam thil  zir theihna  tur ‘Vavudil Project’ a kalpui mek bawk. Society titha lawmman NCDC Regional Award 2018 dawngin, Mizorama dawng awm chhun an ni a. NEDFI nen tangkawpin NEDFI hnuaia loan pek hrang hrangte endikin an buaipui a,  Indian Farmers Fertilizers Co-operative Limited hnen atangin kum 2017 khan chawimawina  an dawng  bawk a ni.