Pu K.Lianzuala MLA, Chairman Mizoram KVI Board chuan Ni 1.10.2009 (Ningani) khan Chhingchhip ah Art & Culture Deptt. leh MUP Chhingchhip Venghlun Unit tangkawp te buatsaih Mizo Hlaphuah thiam leh lam thiam DARPAWNGI Hriatrengna Lungphun a hawng. He lung hi lei atanga a lawr chin Ft. 6 a sang, Ft. 2 leh a chanve a hlai a ni a, Lungphunna senso atan hian Rs 85,000/- sen ral a ni.

Pu K.Lianzuala MLA hian Chhingchhip Venghlun MUP ten Upate Ni (Old Age Day) an hman chu Khuallian niin, Upate chu hnam rohlu an ni a, an thiamna leh finnate ram leh hnam tana lo hmang tawh thin an nih avanga chawimawi an phu thu a sawi a, Sorkar in Upate hamthatna tur hrang hrang a ngaihtuah zel tur thu sawiin, Sorkar hmalakna hrang hrang ah thil dik leh tha ni a an hriat angte hrilh hria a, sawrkar thurawn pe thin turin a sawm a. NLUP chungchang a sorkar hmalakna ah dik leh fel taka thil a kal theih nan Kum lama upa zawkte chu sawrkar tanpui turin a sawm nghal bawk a .
Pu K.Lianzuala hian Chhingchhip Venghlun MUP Unit a Member kum 80 chin chunglam mi 15 te hnen ah lawmpuina thilpek a hlan a, Upa pawl te buatsaih in Ruai theh nghal a ni.

Pu K.Lianzuala hi Pu Dothansanga Vice Chairman MAMCO leh Mizoram KVI Board Official te bakah Party lam Hruaitu ten an tawiawm a ni.