Vawiin zing dar 11:00 Am khan D.C Office Chamber, Mamit-ah District Bawrhsap Pu. Zothankhuma IAS, kaihhruai-in Pu Rajiv Gandhi piancham denchhena hman thin Faina Hapta 2nd- 9th Oct. 2009, hman dan tur rel a ni.
He meeting-ah hian 2nd Oct.09, hian Mamit khawpui chhunga Branch hrang hrangten anmahni Branch theuhah V/C te nena tang tlangin a hawnna neih ni se, Branch wise-in inelna hi buatsaih ni se, hnatlang te thingpui in nan Branch tinah Rs 4000/- pek ni se, Office leh zirna In te pualin faina kawngah inelna buatsaih ni bawk se, hnatlan ni apianga Bawlhlawh paihna turin Department hrang hrang motor ruahman an ni bawk dawn a ni. Hei bakah hian chanchinbu leh YMA tlangau hmanga faina inzirtirna week chhungin a tam thei ang ber puanzar ni bawk se tih rel a ni.

Meeting chuan Sub-Division leh Block Headquarters-ah te he hapta hi hmang ve tura ngen ni se, chuta hman turin Rs 5000/- theuh pek ni se tih rel a ni bawk.
Inelna hrang hrangah Citation leh lawmman tha tawk buatsaih ni bawk se tih rel a ni a, lawmman te hi Hapta kharna inkhawm Dt 9.10.09 tlai dar 2:00 PM ah Chhim Veng YMA Hall-ah buatsaihin hetah hian sem nise tih rel a ni bawk.

Meeting-ah hian khawpui chhunga Department hrang hrang hotute, khawtlang hruaitute, tlawmngai pawl hruaitute bakah chanchinbu mite an tel tha hle a ni.